Bibliotero

30 de abr. de 2015

O día 21 de abril fixemos una viaxe literaria na compaña dos textos de Eduardo Pondal. Fixemos parada en Vimianzo, onde visitamos o Castelo; vimos o Dolmen de Dombate e alí partillamos á lectura do poema que lle adicou o poeta. Arredor das dúasda tarde chegamos á vila de Ponteceso, para escomenzar da man de Xavier, o noso estupendo guía, un percorrido polos lugares da vida e da obra de Pondal... Chegamos á parroquia do Couto, onde se atopa a Fundación Eduardo Pondal, e alí fixemos de novo lecturas de varios poemas que nos foron introducindo no universo literario do noso bardo. Despois subimos ata o cimo da Torre do Faro que hai a carón da capela da Virxe do Faro, impresionámonos coa paisaxe que hai a carón do faro de Corme, visitamos a vila de Corme, O Monte Branco.... e xa esgotados rematamos a xornada mollando os cansados pes na Praia de Balarés. Sen dúbida una xeira ben completa coa que aprendimos historia, arte, xeografía, poesía... e sobre todo a querer e poñer en valor a nosa lingua...

29 de abr. de 2015

Cal é o voso clásico preferido?

Algunhas novidades de abril en BibliOtero

Photocall Correlingua 2015

Si, xa sabemos que o Correlingua da Coruña aínda non chegou, pero estamos quentando motores e que mellor maneira de o facer que facernos fotos cos cartaces elaborados polos compañeiros e compañeiras de 3º e 4º.

Temos unha canteira de modelos e artistas que é a envexa do resto de centros da Coruña.

Desfrutádeas!!!

22 de abr. de 2015

Día do libro

Desexamos que teñades un ano cheo de descubertas lectoras.

17 de abr. de 2015

Que libro salvarías?

Como en Fahrenheit 451, cada un de nós vai decidir que libro salvar e a razón. Aquí tedes algúns dos imprescindibles para os vosos compañeiros de hai dous anos