EL SEÑOR IBRAHIM Y LAS FLORES DEL CORÁN

Seguro que despois de ler o libro quedáchedes con ganas de máis... Pois aquí tedes un aperitivo de dous traballos que se fixeron sobre esta novela, unha película e unha obra de teatro. A película foi merecedora do Globo de Ouro no festival de Berlín conta cunha maxistral interpretación de Omar Shariff, que encarna ao Señor Ibrahim.

O CARTEIRO DE BAGDAD de Marcos Calveiro

O libro que escollimos no mes de Abril para ler e compartir no Club de lectura de 1º e 2º de ESO é O CARTEIRO DE BAGDAD de Marcos Calveiro. Trátase dunha novela que se desenvolve durante a guerr, en Bagdad e na que o protagonista é Ibrahim, un neno de 11 anos, que terá que levar unha carta ao seu destino.
Mostrámosvos a presentación que se fixo con ocasión da presentación da traducción da novela ao español:

EL SEÑOR IBRAHIM Y LAS FLORES DEL CORÁN

O libro que escollimos para o mes de abril no Club de lectura de 3º e 4º de ESO ten poucas páxinas, pero moita beleza. Trátase de EL SEÑOR IBRAHIM Y LAS FLORES DEL CORÁN de Eric Enmanuel Schmitt, unha novela breve na que se nos conta a historia de Momó, un neno xudeu de trece anos que vive co seu pai en París, na rúa Azul. Nesa mesma rúa ten a súa tenda de comestibles o señor Ibrahim, un árabe co que Momó comeza unha relación moi especial que levará a ambos a decubrir a amizade, a beleza da diferencia e o cariño que fará cambiar de forma radical as súas vidas.

HOMENAXE A XOSÉ NEIRA VILAS

o venres día 1 de abril fomos convidados a participar na homenaxe que se lle fixo a Xosé Neira Vilas na Biblioteca González-Garcés na Coruña. Tamén estaban alumnos e alumnas do CEIP Salgado Torres, que fixeron este vídeo que vos mostramos.
Grazas a Rosa por esta lembranza tan fermosa.

GÚSTAME LER

INDIGNÁDEVOS de HESSEL

INDIGNÁDEVOS é o título dun libro que constitúe un pequeno manifesto ético publicado por Stéphane Hessel, un escritor eloitador de 93 anos, que nos convida á insurrección pacífica nun mundo dominado pola globalización, onde é o imperio económico e financieiro quen manda, un poder "ademocrático" que veu desenvolvendo un enriquecemento amoral que está a ficar impune mentres os máis débiles pagan a consecuencia da crise.

Esta semana visitou España para publicitar este ensaio, que levaba un tempo sendo xa un éxito dos que se espallan como as ondas que xera unha pequena pedra botada ao mar, ao mar da indignación. En Francia leva vendidos máis de 1.700.000 exemplares e foi traducido a 23 idiomas, entre eles o galego, o catalán e o vasco. Factoría K de Libros,ofrécenos a obra en galego, cun prólogo de Manuel Rivas, mentres que a edición en castelán, publicada pola editorial Destino, está prologada polo escritor e economista José Luís Sampedro e comeza así: "Yo también nací en 1917".

Hessel que naceu en Alemania, viviu en Francia, formou parte da resistencia contra os nazis, escapou do campo de exterminio de Buchnwald xusto antes de ser asasinado, traballou despois como diplomático da ONU e participou na redacción da Declaración Universal dos Dereitos Humanos de 1948. O escritor militou no Partido Socialista e no movemento ecoloxista e sempre salientou na defensa dos valores éticos. Hoxe en día é firme defensor da causa palestina.

É un libriño pequeno, pouco máis de 30 páxinas, onde traza un breve bosquexo do que foi a evolución social dende a II Guerra Mundial aós nosos días co fin de invitar á "insurrección pacífica". Seguro que outros autores expoñen análises máis fundamentadas en amplos datos socio-históricos, mais o éxito de Indignádevos é o feito de ser un catalizador, unha voz grande na súa sinxeleza, cun claro destinatario: os xoves.

.

Hessel chama á necesidade de reparar e reflexionar, de fuxir da indiferenza para tomar o relevo da loita que homes como el protagonizaron. Reclama o espírito crítico ante "uns medios de comunicación de masas que non propoñen outro horizonte para a nosa xuventude que o consumo de masas, o desprezo cara aos máis débiles e cara a cultura, a amnesia xeralizada e a competición a ultranza de todos contra todos".
"Crear é resistir", "Resistir é crear", "Indignádevos". Saber o que nos indigna e tentar cambialo, non aceptar o inaceptable. A indignación como primeiro paso ante a pasividade e a apatía.
A indignación ante as leis do capital, ante o paro xuvenil, ante a perda de valores, ante as desigualdades sociais... e ante o incumprimento continuado dos fundamentos da Declaración Universal dos Dereitos Humanos
O éxito do libro ten a súa base no seu valor como manifesto ético e non debería pasar desapercibido aos ensinantes nen aos educadores, nen á sociedade en xeral como punto de reflexión para forxar a esperanza neste intre de crise no que estamos a vivir.